meto a mau ata o fondo,
nun xesto nervioso e mecánico de búsqueda.
sincronizada miña respiración co movemento espasmódico
no que aturarte baixo as capas de tela paréceme imposible.
tres voltas ao redor sen te ollar.
crávanseme as miradas alleas na caluga.
inquisidoras mostran seu desacordo.
son dada ao escándalo,
non funciono con sistemáticos patróns fractais.
desdebúxome a cada paso,
ocultando o resto de min no interior dun peto.
eva méndez doroxo
Sem comentários:
Enviar um comentário